|
'n Gesamentlike
misdaadvoorkomingsoperasie het van 10
tot 15 Februarie in Welkom plaasgevind.
Die SA Polisiediens het in samewerking
met die Welkom-kommando, Anglogold se
sekuriteitsafdeling en verskeie ander
veiligheidsmaatskappye veral gelet op
huisbraak en diefstal by wonings,
dieftal van en uit motors en algemene
misdaadvoorkoming. Betrokkenes wat die
Polisie se hand in die operasie gesterk
het, het vrywillig hul diens aangebied.
Die immigrasie-eenheid van die Polisie
was ook betrokke. ``Hierdie sigbare
polisiëring het beslis misdaad voorkom,
wat belangriker is as inhegtenisnemings,''
sę kapt. Gerhard du Toit van die
Misdaadvoorkomingseenheid. Met
sektor-polisiëring word gepoog om die SA
Polisiediens en die gemeenskap in 'n
sekere gebied of voorstad in 'n nouer
band saam te snoer. Dit is dan ook 'n
filiaal van gemeenskapspolisiëring.
Die ideaal van sektor-polisiëring in
Welkom is om 'n vennootskap tussen die
Polisie en die gemeenskap in elke sektor
tot stand te bring. Die vennootskap word
gevorm en gebind deur 'n forum wat in
die betrokke sektor funksioneer. Die
forum bestaan uit die gemeenskap en die
Polisie.
Die polisiebeamptes funksioneer net
in die betrokke sektor. Sodoende leer
die publiek in 'n sekere gebied die
SAPD-lede ken wat daar werk.
'n Voordeel is dat die gemeenskap en
die Polisie kragte saamsnoer om aandag
aan misdaadprobleme te gee. Die forum
betrek dus die gemeenskap by die
vermindering van risiko's wat tot
misdaad kan lei.
Die forum kan die SAPD ook evalueer.
Die gemeenskap moet positiewe insette
lewer om misdaad te help bekamp.
Só 'n forum of vennootskap is nie 'n
politieke of winsgewende organisasie nie.
Welkom is in vyf sektore verdeel. In
Sektor 5 Riebeeckstad is reeds 'n
misdaadvoorkomingsforum, wat al verskeie
projekte aangepak het om misdaad te
bekamp. Die forum het reeds gelei tot
nouer bande tussen die gemeenskap en die
Polisie.
Die gemeenskap is die oë en ore van
die Polisie. Die Polisie kan nie alleen
funksioneer nie. Inwoners word versoek
om meer veiligheidsbewus te raak en te
let op die wenke wat die Polisie gereeld
in die pers publiseer om misdaad hok te
slaan.
Vir navrae, bel supt. Liebenberg by
(057) 391 6139/6137.
Die polisie se misdaadvoorkomingseenheid,
tel. (057) 391-6139/6137. |